عارف قوربانی: بێ ئەوەی هیچ ڕوویدابێت بانگەشەی ئەوە دەكرێت بەغدا مووچە دەبڕێت و هەرێم سیستەمی پاشەكەوت پەیڕەو دەكاتەوە

551 جار خوێندراوەتەوە کات10:37 بەروار26-03-2019
عارف قوربانی: بێ ئەوەی هیچ ڕوویدابێت  بانگەشەی ئەوە دەكرێت بەغدا مووچە دەبڕێت و هەرێم سیستەمی پاشەكەوت پەیڕەو دەكاتەوە

راچڵەكین-

نووسەرو رۆژنامەنووسێك دەڵێت، ئێستا بێ ئەوەی هیچ روویدابێ هەندێك كاك كەوتوونەتە بانگەشەی ئەوەی كە بەغدا موچە دەبڕێت و هەرێم سیستەمی پاشەكەوت پەیڕەو دەكاتەوە.

عارف قوربانی، لەلاپەڕەی تایبەتی خۆی لە تۆڕی كۆمەڵایەتی فەیسبووك نوسیوویەتی :" دونیایەكی سەیرە تا دوو هەفتە پێش ئێستا هەروا كاك بوو خۆی دەكرد بە پاڵەوانی ئەو دەستكەوتەی كە توانراوە پرسی موچە لە پرسی نەوت جیا بكرێتەوە، دەیانووت توانیمان وابكەین ئەگەر هەرێم و بەغدا كێشەیان كەوتە نێوان لەسەر نەوت، ئەوە بەغدا ناتوانێ موچە ببڕێتەوە."

دەشڵێت:" كەچی ئێستا بێ ئەوەی هیچ روویدابێ كەوتوونەتە بانگەشەی ئەوەی كە بەغدا موچە دەبڕێت و هەرێم سیستەمی پاشەكەوت پەیڕەو دەكاتەوە."

قوربانی دەڵێت:"  زانیارییەكان بەو جۆرەن كە بەغدا بۆ ئەمساڵ یارمەتی هەرێم دەدات تا قەرزە كەڵەكەبووەكانی بداتەوە بەغدا 522 ملیاری مانگانە بۆ هەرێم بنێرێ و هەرێمیش لە داهاتی نەوتی كوردستان موچە تەكمیل بكات و قەرزەكانیشی بداتەوە، سەری ساڵ بۆ میزانیەی 2020 رێككەوتنێك تر بكەن و هەرێم پابەندی تەواوی رێككەوتنەكە ببێت."