ئاگاداربه‌ 10 هه‌ڵه‌ زوتر پیرت ده‌كات

1365 جار خوێندراوەتەوە کات12:33 بەروار26-03-2019
ئاگاداربه‌ 10 هه‌ڵه‌ زوتر پیرت ده‌كات

ڕاچڵه‌كین-

هه‌موان له‌ چونه‌ ته‌مه‌ن ده‌ترسن به‌ڵام له‌ ڕاستیدا ئه‌نجامدانی چه‌ند هه‌ڵه‌یه‌ك واده‌كات زوتر پیر ببیت، چه‌ند هۆكارێك واده‌كات پێش وه‌خت پیر ببیت.

1- خه‌مۆكی و دڵه‌ڕاوكێ:
ئه‌م حاڵه‌ته‌ ده‌رونیه‌ كار له‌ كارلێكه‌ كیمیاوی و فیزیاویه‌كانی ناو جه‌سته‌ ده‌كات و زۆر كات كار له‌ بۆهێڵه‌كانی سه‌ر كرۆمۆسۆم ده‌كات كه‌ به‌رپرسه‌ له‌به‌رهه‌مهێنانی ووزه‌ی جه‌سته‌ و پاراستنی ته‌ندروستی.

2- ته‌نهایی: 
ئه‌گه‌ر ده‌ته‌وێت زوو پیر نه‌بیت ئه‌وه‌ هه‌وڵبده‌ په‌یوه‌ندیه‌ كۆمه‌ڵایه‌تیه‌كانت به‌تین بكه‌یت چونكه‌ ئه‌مه‌ ڕاسته‌وخۆ كار له‌ باری ده‌رونی مرۆڤ ده‌كات.

3-چه‌وری:
زۆر خواردنی خۆراكه‌ چه‌ور و شیرینه‌كان ئه‌گه‌ری توشبوون به‌ نه‌خۆشیه‌كانی دڵ و گیرانی ملوله‌كانی خوێن زیاتر ده‌كات چونكه‌ به‌هۆی زۆر بوونی كێشه‌وه‌ مرۆڤ جوڵه‌ی‌ كه‌متر ده‌بێت، له‌به‌ر ئه‌وه‌ خواردنی سه‌وزه‌ و خۆراكه‌ پڕ ڕیشاڵه‌كان باشترین جۆرن بۆ ته‌ندروستی.

4-دره‌نگ نوستن:
شه‌وانه‌ دره‌نگ مه‌خه‌وه‌ چونكه‌ ئه‌مه‌ نیشانه‌ پێش وه‌خته‌كانی پیری له‌سه‌ر ڕوخسار ده‌رده‌خات و په‌ڵه‌ی‌ ڕه‌ش له‌ژێر چاودا دروست ده‌كات و هۆكار ده‌بێت بۆ هه‌ستكردنی به‌رده‌وام به‌ ماندوێتی.

5- كێشانی جگه‌ره‌:
به‌رده‌وام باس له‌ زیانه‌كانی كێشانی جگه‌ره‌ ده‌كرێت و ئه‌گه‌ری توشبوون به‌ شێرپه‌نجه‌ی‌ سییه‌كان زیاتر ده‌كات و زووتر پیری له‌سه‌ر ڕوخسارت ده‌رده‌كه‌وێت.

6-ته‌مه‌ڵی: 
ئه‌و كه‌سانه‌ی‌ ته‌مه‌ڵن و زۆر داده‌نیشن ئه‌وه‌ كێشیان به‌خێرای زیاد ده‌كات و پیری پێش وه‌خت له‌سه‌ر جه‌سته‌ و ڕوخساریان ده‌رده‌كه‌وێت.

7-ماكیاج:
گرنگی نه‌دان به‌ ڕوخسار و به‌كارنه‌هێنانی دژه‌ خۆر و زۆر چونه‌ به‌ر خۆر و به‌كارهێنانی ماكیاج چرچی له‌سه‌ر ڕوخسار دروست ده‌كات.

8-نوستن له‌سه‌ر ڕوخسار:
به‌رده‌وام خوگرتن به‌ نوستن له‌سه‌ر ڕوخسار كۆلاجینی ناو پێست تێكده‌شكێنێت، له‌به‌ر ئه‌وه‌ پزیشكه‌كان ڕێنمویمان ده‌كه‌ن له‌سه‌ر پشت بخه‌وین نه‌ك ڕوخسار.

9-پله‌ی‌ گه‌رمای به‌رز:
هه‌وای وشك و به‌رزی پله‌كانی گه‌رما پێست وشك ده‌كاته‌وه‌ و چرچی ده‌كات، نیشانه‌ پێش وه‌خته‌كانی پیری له‌سه‌ر ڕوخسار ده‌رده‌خات.

10-زۆر دانیشتن:
زۆر دانیشتن له‌ شوێنی كار یان به‌كارهێنانی مۆبایل و چه‌مانه‌وه‌ی‌ پشت ئازاری پشت دروست ده‌كات.