ئەگەر هەیە ئێران ئاوی بەنداوی داریان لەسەر ڕووباری سیروان بەر بداتەوە

373 جار خوێندراوەتەوە کات01:00 بەروار26-03-2019
ئەگەر هەیە ئێران ئاوی بەنداوی داریان لەسەر ڕووباری سیروان بەر بداتەوە

راچڵەكین-

ئەگەر هەیە ئێران ئاوی بەنداوی داریان لەسەر ڕووباری سیروان لە دیوی رۆژهەڵاتی كوردستان، بەربداتەوە، ئیدارەی گەرمیان و هەڵەبجەش رایدەگەیەنن:" لە ئەگەری بەردانەوەی ئاوی ئەو بەنداوەدا، مەترسی لە سەر شوێنە نویكەكانی سەر ڕووباری سیروان دروست دەكات."

قائیمقامیەتی قەزای كەلار، لە نووسراوێكدا هاوڵاتییانی باوەنور و گردەگۆزینە و شێخ لەنگەر و ناوچەكانی خواروتری ئاگادار كردووەتەوە كە بەهۆی زیادبوونی ئاوی چەم و ڕووبارەكان و ئەو رێژە زۆرەی بارانبارین لە ناوچەكانی رۆژهەڵاتی كوردستان و ئەگەری بەردانەوەی ئاوی بەنداوەكان، ئاوی رووباری سیروان زیاد دەبێت‌و بەوەش مەترسیی لەسەر بەنداوی دەربەندیخان زیاد دەبێت.

ئاماژە بەوەشكراوە، دەبێت ئەو كەس و لایەنانەی خانوو پڕۆژەو كارو كارگەكانیان لە نزیك روباری سیروانە، ئاگاداری ئەگەری زیادبونی روباری سیروان بن بۆ ئەوەی لە هەر مەترسییەك دور بن.

هاوكات بەڕێوەبەرایەتیی بەرگریی شارستانێتی گەرمیان رایگەیاندوە: ئامادەن بۆ ئەگەری بەردانەوەی بەنداوەكانی رۆژهەڵاتی كوردستان و زیادبونی ئاوی روباری سیروان و لە مەیدانەوە تا كەلار، تیمەكانیان لە حاڵەتی ئامادەباشیدان.