سنووری گەرمیان: 3 چەكداری داعش لەلایەن پێشمەرگەو هاوپەیمانانەوە كوژران

145 جار خوێندراوەتەوە کات03:24 بەروار23-05-2019
سنووری گەرمیان: 3 چەكداری داعش لەلایەن پێشمەرگەو هاوپەیمانانەوە كوژران
راچڵەكین-

هێزێكی پێشمەرگە لەگەڵ هاوپەیمانانی فەرەنسا ئۆپەراسیۆنێكیان دژی چەكدارانی داعش لە سنووری گەرمیان ئەنجامدا.

سەرچاوەیەكی تایبەت لە هێزەكانی پێشمەرگە لە ناوچەكە رایگەیاندووە:" كاژێر ٤ ی بەرەبەیانی ئەمڕۆ پێنج شەممە، فەوجی ئاڵتونی سەر بە هێزەكانی ٧٠ ی پێشمەرگە لەگەڵ هێزەكانی هاوپەیمانان ( فەرەنسا ) ئۆپڕاسیونێكی هاوبەشیان لە گوندی شۆراو لە ناوچەی داودە ئەنجامدا كە دەكەوێتە ڕۆژهەڵاتی باشوری خورماتوو پشت چیای هەنجیرە".

مەبەست لە ئۆپەراسیۆنەكە پاككردنەوەی ناوچەكەیە لە پاشماوەی چەكدارانی داعش و بە پاڵپشتی زیاتر لە سێ فڕۆكەی جەنگی هاوپەیمانان ئەنجامدراوە و چەند جارێك مۆڵگە و بارەگاكانی داعشی بۆردومان كردوە.

بە پێ زانیاریەكان، لەو ئۆپراسیۆنەدا سێ چەكداری داعش كوژراون و دوو پێشمەرگە و كارمەندێكی هێزەكانی فەرنساش بریندارن و ئۆپڕاسیونەكە تا ئێستاش بەردەوامە. وەك پیوكەی میدیا بڵاویكردووەتەوە.