توانا ئه‌مین له‌سه‌ر وێنه‌كه‌ی‌ هێلی له‌ڤ قسه‌ی‌ هه‌یه‌

6672 جار خوێندراوەتەوە کات08:22 بەروار12-12-2019
توانا ئه‌مین له‌سه‌ر وێنه‌كه‌ی‌ هێلی له‌ڤ قسه‌ی‌ هه‌یه‌

ڕاچڵه‌كین-

نوسه‌ر و وه‌رگێڕ "توانا ئه‌مین" له‌ڕێی په‌یج و ئه‌كاونته‌ تایبه‌ته‌كانی له‌ تۆڕه‌ كۆمه‌ڵایه‌تیه‌كان نوسینێكی تایبه‌تی له‌گه‌ڵ نوێترین ده‌ركه‌وتنی هێلی له‌ڤ بڵاوكردۆته‌وه‌.

توانا نوسیویه‌تی"هەندێك لە ژنان لە پێناوی دەستکەوتنی ناوبانگدا -کە هەمووجارێك ئەم بارە لە سەرنج ڕاکێشانی ئەوانی ترەوە دەست پێ دەکات- دەتوانن دەست بخەنە خۆیانەوە، تا ئەو شوێنە بڕۆن کە نابێ بڕۆن! ئەمانە بێناویی دەیانخوات، ئەو کێماسییەی لە ناویاندایە، بەقەد ئێڤرست بەرزە.."

ده‌شڵێت" ئەها کامۆ دەڵێ: بەرگەگرتنی مەرگیان لائاسنترە، لەبەرگەگرتنی گومناویی... من بەچاوی سەر لەم جۆرە ژنانەم دیوە و بەچاوی دڵ فرمێسکم بۆ ڕشتوون، بەڵام خۆ هەندێ لەپیاوان لەم هەندەک ژنە شەریف تر نین، ئەگەر ژنان بتوانن؛ بۆ کەمەندکێشکردنی ئەوانی تر دەستیان بچێتە گیانی خۆیان، پیاوان دەتوانن لە پەیوەند بەم بابەتەدا؛ دەستیان بچێتە ڕۆحی خەڵکیش."

توانا ئه‌مین  ته‌مه‌نی 37 ساڵه‌ و له‌دایكبووی شاری سلێمانییه‌ و له‌ چیرۆكنووسه‌ هه‌ره‌ دیاره‌كانی نه‌وه‌ی پاش ساڵانی  
 نه‌وه‌ده‌كانه‌ و ئێستا له‌ سوید نیشته‌جێیه‌، خاوه‌نی ده‌یان كتێبه‌ له‌ وه‌رگێڕان و نووسین.