باڵیۆزخانەى ئەمریکا لە عێراق: وەڵامی ئەمریکا بۆ ئێران توند و یەکلاکەرەوە دەبێت

184 جار خوێندراوەتەوە کات04:26 بەروار14-12-2019
باڵیۆزخانەى ئەمریکا لە عێراق: وەڵامی ئەمریکا بۆ ئێران توند و یەکلاکەرەوە دەبێت

راچڵەکین-

باڵیۆزخانەى ئەمریکا لە عێراق  ڕایگەیاند، گروپە چەکدارەکانى ئێران لە عێراق بەتۆمەتبارى هێرشەکانى ئەمدواییەى سەر هێزە سەربازییەکانى ئەمریکان لە عێراق و وەڵامی ئەمریکا توند و یەکلاکەرەوە دەبێت.

ئەمڕۆ شەممە 14-12-2019، باڵیۆزخانەى ئەمریکا لە عێراق ڕایگەیاند، "میلیشیاکانى سەربە ئێران بەمدواییانە هەستاون بەهیرشکردنە سەر چەند بنکەیەکى سەربازى هاوبەشى عێراق و هێزەکانى ئەمریکا و هاوپەیمانەکانى".

ئاماژە بۆ ئەوەشکراوە، "لە نۆى ئەم مانگەدا هێرشى موشەکى کراوەتە سەر جبەخانەیەکى سەربازى عێراقى کە دەکەوێتە نزیک فڕۆکەخانەى بەغداى نێودەوڵەتی، کە لەئاکامدا بووەتە هۆى برینداربوونى 5 سەربازى عێراقى و دوانیان گیانیان لەمەترسیدایە و دوو ڕۆژ دواى ئەوە هیرشکراوەتە سەر فڕۆکەخانەکە".

داواشى لە ئێران کردووە، "ڕێز لەسەروەرى دراوسێکانى بگرێت و دەستهەڵبگرێت لە هاریکاریکردنى لایەنى سێیەم لەعێراق و سەرجەم وڵاتانى ترى ناوچەکە".

ئاماژەی بەوەشکردووە، "ئەنجامدانى هەر هێرشێک، لەلایەن ئێران و میلیشیا نزیکەکانیەوە و ئەوانەى لەژێر هەر شوناسێکى تردان لەعێراق، هەر زیان و ئازارێک بگاتە ئەمریکییەکان و هاوپەیمانەکانیان یاخود بەرژەوەندییەکانیان ئەوا وەڵامی ئەمریکا توند و یەکلاکەرەوە دەبێت".