10 ڕه‌فتاری ڕۆژانه‌ خانمان به‌خته‌وه‌ر ده‌كات

1440 جار خوێندراوەتەوە کات08:16 بەروار21-12-2019
10 ڕه‌فتاری ڕۆژانه‌ خانمان به‌خته‌وه‌ر ده‌كات

ڕاچڵه‌كین-

به‌خته‌وه‌ری له‌ ئه‌نجامی دۆخه‌وه‌ به‌ ته‌نها دروست نابێت به‌ڵكو ڕه‌فتاری مرۆڤ و چۆنیه‌تی ژیانكردن كاریگه‌ری ده‌بێت له‌سه‌ر به‌خته‌وه‌ری، خانمان به‌م 10 ڕه‌فتاره‌ ده‌توانن به‌خته‌وه‌ر ببن.

1-سوپاسگوزاربه‌:
سوپاسگوزاربه‌ بۆ ته‌واوی ئه‌و شتانه‌ی‌ له‌ ژیانتدا هه‌ته‌ و لێی ڕازیبه‌ و هه‌وڵبده‌ له‌ سه‌خترین كاته‌كان جوانترینه‌كانی ژیانت بهێنه‌ره‌وه‌ به‌رچاوی خۆت، سوپاسگوزاری یه‌كێكه‌ له‌ هۆكاره‌كانی به‌خته‌وه‌ری.

2- گرنگی به‌خۆت بده‌:
له‌ڕووی جه‌سته‌ی‌ و ده‌رونی و مێشكته‌وه‌ هه‌وڵبده‌ گرنگی ته‌واو به‌ خۆت بده‌یت و وه‌ك پێویست بخه‌وه‌ و خۆراكی ته‌ندروست بخۆ و ئه‌مانه‌ به‌خته‌وه‌ریت ده‌ده‌نێ.

3-بڕوات به‌خۆت هه‌بێت و مه‌ترسه‌:
متمانه‌ واتلێده‌كات كۆنتڕۆڵی ژیان و داهاتوی خۆت بكه‌یت چونكه‌ ترس ته‌نها به‌خته‌وه‌ریت لێ ده‌بات و متمانه‌ به‌خۆبوون كلیلی ئارامی دڵ و به‌خته‌وه‌رییه‌.

4-خۆت قبوڵ بكه‌:
هیچكات ده‌سته‌مۆی بیرۆكه‌ی‌ خراپ مه‌به‌ و ئافره‌تی ئازا ئه‌وانه‌ن خاڵی به‌هێزیان ئه‌وه‌یه‌ كه‌ خۆیان قبوڵ ده‌كه‌ن وه‌ك ئه‌وه‌ی‌ كه‌ هه‌ن.

5-ئاره‌زوه‌كانت پشت گوێ مه‌خه‌:
گرنگیدان به‌ ئامانجه‌كانت به‌خته‌وه‌رت ده‌كات و دڵه‌ڕاوكێت كه‌مده‌كاته‌وه‌.

6-ببه‌خشه‌:
ئاره‌زوو كردنی تۆ بۆ كاری خێرخوازی دڵخۆشت ده‌كات و هۆرمۆنی ئه‌درۆفین له‌ له‌شتدا زیاد ده‌كات ئه‌گه‌ر به‌خته‌وه‌ریت و ده‌به‌خشیت ئه‌وه‌ هۆكاره‌كه‌ی‌ ئاشكرایه‌.

7-به‌راورد مه‌كه‌ و هانده‌ربه‌:
هانده‌ری ئافره‌ته‌كانی دیكه‌ به‌ و خۆت به‌ هیچ كه‌سێك به‌راورد مه‌كه‌ و چونكه‌ خۆ به‌راورد كردن ده‌رونت تێكده‌شكێنێت و ده‌تڕوخێنێت.

8-لێبورده‌به‌:
لێبورده‌ی‌ ڕۆحت ئارام ده‌كاته‌وه‌ و له‌گه‌ڵ خۆت ئاشتت ده‌كاته‌وه‌ و هاوكارت ده‌بێت بۆ ئه‌وه‌ی‌ له‌ ژیانتدا پێشبكه‌ویت.

9- بڵێ نا:
فێربه‌ ئه‌و كاتانه‌ی‌ نه‌خێر پێویسته‌ بیڵێت، ئه‌و شتانه‌ ڕه‌ت بكه‌ره‌وه‌ كه‌ زیاتر له‌ پێویست ماندوت ده‌كه‌ن و ئازارت ده‌ده‌ن و زیانیان ده‌بێت بۆت.

10-ڕازیبه‌:
ئه‌گه‌ر دۆخ بۆت نه‌هاته‌ پێشه‌وه‌ و نه‌وتوانی ئه‌وه‌ی‌ مه‌به‌ستته‌ به‌دی بهێنیت به‌ڵام هه‌وڵبده‌ وازی لێ نه‌هێنیت و خۆت به‌خته‌وه‌ر بكه‌ له‌ڕێی به‌دی هێنانی خه‌ونه‌كانته‌وه‌.