پەرلەمانی كوردستان كۆدەبێتەوە

148 جار خوێندراوەتەوە کات03:35 بەروار14-01-2020
پەرلەمانی كوردستان كۆدەبێتەوە

راچڵەكین-

پەرلەمانی كوردستان بانگهیشتنی ئەندامانی پەرلەمان دەكات بۆ ئامادەبوون لەدانیشتنی ژمارە 15ی ئاسایی ساڵی یەكەم لە خولی هەڵبژاردنی پێنجەمی پەرلەمان.

د. رێواز فایەق، سەرۆكی پەرلەمانی كوردستان، ئەمڕۆ سێشەممە 14-1-2020 لە بانگهێشتەكەیدا داوای لەئەندامانی پەرلەمان كردووە، كاتكۆ 11ی پێشنیوەڕۆی رۆژی پێنجشەمە رێكەوتی 2020/1/16، ئامادەبوون بۆ ئەنجامدانی دانیشتنی ژمارە 15ی ئاسایی پەرلەمان.

بەگوێرەی زانیارییەكان بڕیارە لەو دانیشتنەدا، دەنگ لەسەر پرۆژە یاسای چاكسازی بدرێت كە لە دوو دانیشتنی پەرلەمانی كوردستاندا خوێندنەوەی دووەم بۆ زۆربەی بڕگەو ماددەكانی ئەنجامدرا. 

پرۆژەیاسای چاكسازی لە مووچە و خانەنشینی و دەرماڵە و ئیمتیازاتەكانی دیكە، لە 19 ماددە پێكهاتووە، لەكاتی خوێندنەوەی دووەم بۆ پرۆژەكە، وەزیرە پەیوەندیدارەكان لە پەرلەمان ئامادەبوون و وەڵامی پرسیاری پەرلەمانتارانیان دایەوە و روونكردنەوە لەبارەی ماددەكانی پرۆژەكە درا.