رەوتی سەدر هۆشداری دەدات

114 جار خوێندراوەتەوە کات09:01 بەروار17-01-2020
رەوتی سەدر هۆشداری دەدات

راچڵەكین

رەوتی سەدر هۆشداری لە بە ئامانجگرتنی پەرلەمانتارەكانی دەدات و ئیدانەی تەقینەوەكەی شەوی رابردووش دەكات كە لەنزیك ماڵی ئەندامێكی هاوپەیمانی سائیرون روویدا، سەرۆكی هاوپەیمانێتییەكەش داوا لە هێزە ئەمنییەكان دەكات ئەنجامدەرانی رووداوەكە ئاشكرا بكەن.

بورهان ئەلمەعموری سەرۆكی هاوپەیمانیی سائیرون لە ئەنجومەنی نوێنەرانی عیراق، لە راگەیاندراوێكدا كە ئەمڕۆ 17-1-2020 بڵاویكردووەتەوە، ئیدانەی تەقینەوەكەی شەوی رابردووی كرد، كە لە نزیك ماڵی ئەندامێكی فراكسیۆنەكەیان لە شارۆچكەی خاڵس روویدا.

وتیشی: ئەو كردەوە تیرۆریستییەی لەدژی هەوازن ئەلشممەری پەرلەمانتاری هاوپەیمانیی سائیرون ئەنجامدرا، ساردمان ناكاتەوە لە جێبەجێكردنی ئەو بەرنامە چاكسازییەی كە موقتەدا سەرد رابەری رەوتی سەدر دایڕشتووە.

سەرۆكی هاوپەیمانی سائیرونن داواشی لە هێزە ئەمنییەكانی پارێزگای دیالە كرد، لێكۆڵینەوەی ورد لە هێرەشەكە بكەن و ئەنجامدەرانی كردەوەكەش ئاشكرا بكەن و بە سزایان بگەیەنن.

شەور رابردوو، بۆمبێكی تەوقینكراو لەنزیك ماڵی هەوازن ئەلشممەری ئەندامی هاوپەیمانی سائیرون لە شارۆچكەی خاڵس-ی سەر بە پارێزگای دیالە تەقیندرایەوە، بەڵام زیانی گیانی بەدواوە نەبوو.