910 كەس لە تووشبووانی كۆرۆنا چاكبوونەتەوە

171 جار خوێندراوەتەوە کات01:14 بەروار05-02-2020
910 كەس لە تووشبووانی كۆرۆنا چاكبوونەتەوە

راچڵەكین-

سەكۆی " جۆن هۆبكنز" بڵاویكردووەتەوە، تائێستا 910 كەس لەتووشبووان بە ڤایرۆسی كۆرۆنا چاكبوونەتەوە.

جۆن هۆبكنز، كە سات بەسات بەدواداچوون بۆ راگەیەندراوەكانی تایبەت بەڤایرۆسی كۆرۆنا و حاڵەتەكانی تووشبوون و چاكبوونەوە دەكات، ئاماژەی بەوەكردووە، تا رۆژی چوارشەممە 493 كەس بەهۆی كۆرۆناوە گیانیان لەدەستداوەو لانی كەم 24 هەزارو 562 كەسی تر وەك تووشبوو بەو ڤایرۆسە تۆماركراون كە پشكی شێر بەر چین دەكەوێت.

سەكۆی جۆن هۆبكنز، ئامارەكانی تایبەت بەڤایرۆسی كۆرۆنای لە چەند سەرچاوەیەكی باوەڕپێكراوی وەك رێكخراوی تەندروستی جیهان، سەنتەری ئەمریكی بۆ نەخۆشییەكان، سەنتەری ئەوروپی بۆ خۆپاراستن لەنەخۆشییەكان و رێگریكردن لە تەشەنەكردنی، وەردەگرێت.